1980ᓂ ᖁᓕᓂ ᐊᕐᕌᒍᓂ ᐊᕐᓱᕈᓐᓇᓚᐅᕐᑐᑦ
Our Journey to Baffin Qinnuayuak, Lucy, 1982,
CD 1982-029, Photo © CMC
ᐊᕐᕌᒍᓂ ᐊᕙᑎᐅᓕᕐᒥᔪᓂᒃ ᐊᒥᓱᓂᒃ ᐊᔅᓱᕈᕐᓇᖅᑐᒃᑰᕈᑎᖃᓚᐅᖅᑐᑦ ᑎᑎᖅᑐᒐᕐᕕᐊᓂ ᑭᓐᖓᕐᓂᑦ. ᓯᓚᕐᔪᐊᕐᒥ ᑮᓇᐅᔭᓕᐅᕈᑏᑦ ᑲᑕᒃᓯᒪᓚᐅᕐᓂᖏᓐᓄᑦ ᐊᑐᓕᓵᖅᑎᓪᓗᒋᑦ 1980-ᓂ ᑲᑕᒍᑕᐅᓚᐅᖅᓯᒪᒻᒪᑕ ᓯᓚᕐᔪᐊᕐᒥ ᑎᑎᖅᑐᒐᕐᓂᕐᒧᑦ ᓂᐅᕕᐊᒃᓴᓕᐅᕐᓂᖅ. ᐊᒻᒪ ᑕᒪᒃᑯᐊᖑᑎᓪᓗᒋᑦ, ᐊᒥᓱᑦ ᑎᑎᕋᐅᔭᖃᑦᑕᖅᓯᒪᓂᖅᓴᐃᑦ ᐃᑲᔪᖅᓯᒪᓪᓚᕆᑦᑐᑦ ᑐᖁᓚᐅᕐᒪᑕ, ᐅᑯᐊ ᐱᖃᓯᐅᑎᓪᓗᒋᑦ ᐱᑦᓯᐅᓛᖅ ᐊᓲᓇ (1983), ᓯᐅᕐᔪᒃ ᐅᖂᑕᖅ (1982), ᑎᒧᑎ ᐅᑦᑐᕿ (1982), ᐃᔨᕙᓪᓗᒃ ᕋᒌ (1983) ᐊᒻᒪ ᓘᓯ ᕿᓐᓄᐊᔪᐊᖅ (1982). ᐊᓯᖏᓪᓗ ᐃᖅᑲᓇᐃᔮᒃᓴᖃᕐᓂᖅᓴᐅᓕᕐᒪᑦ ᓄᓇᓕᓐᓂ, ᐊᒥᓲᓐᖏᓐᓂᖅᓴᐃᑦ ᒪᒃᑯᑦᑐᑦ, ᐃᒃᐱᒍᓱᓐᖏᓐᓂᖅᓴᐅᔮᓕᕐᒪᑕ ᐃᑲᔪᕆᐊᖅ ᑎᑎᖅᑐᒐᕐᓂᒃᑯᑦ ᑎᑎᕋᐅᔭᕐᕕᒻᒥ. ᑕᐃᓱᒪᓂᓕ 1974-ᒥ ᐊᕙᑎᐅᕙᓚᐅᖅᓯᒪᒻᒪᑕ (20) ᑎᑎᕋᐅᔭᖅᑏ ᐊᕐᕌᒍᑕᒫᑦ ᑲᑎᖅᓱᖅᓯᒪᔭᖏᑦ, 1985-ᒍᓕᖅᑎᓪᓗᒍ ᖁᓕᑐᐃᓐᓇᐅᓕᓚᐅᖅᓯᒪᔪᑦ (10) ᑎᑎᖅᑐᒐᖅᑏᑦ ᐊᕐᕌᒍᑕᒫᑦ ᑎᑎᖅᑐᒐᖏᑦ—ᑕᒪᕐᒥᓕᒫᑦᓯᐊᕐᓗ ᑎᑎᕋᐅᔭᖅᑎᑐᖃᐅᓪᓗᑎᒃ.
One Kind of Fish Etidlooie, Kingmeata, 1988,
CD 1988-022, Photo © CMC
ᑎᑎᖅᑐᒐᕐᕕᒻᒥ ᐊᒥᓱᓂᒃ ᐊᔅᓱᕈᕈᑎᖃᓚᐅᖅᑐᑦ ᒪᑭᑕᑎᑦᓯᓇᓱᐊᖅᓱᑎᒃ ᓄᓇᓕᓐᓂ ᐃᒃᐱᒍᓱᓐᓂᖅᓴᐅᑎᑦᓯᓇᓱᐊᕐᓂᕐᒥᒃ ᑎᑎᕋᐅᔭᕐᓂᒃᑯᑦ ᐃᑲᔪᕈᑎᑎᒍᑦ ᐊᑐᐃᓐᓇᖃᖅᑎᑦᓯᓂᒃᑯᑦ ᐊᔾᔨᒌᓐᖏᑦᑐᓂᒃ ᓄᑖᓂᒃ ᐃᑲᔪᕈᑎᒃᓴᓂᒃ ᐊᒻᒪ ᑲᔪᓯᑎᑦᓯᖏᓐᓇᕋᓱᐊᕐᓂᒃᑯᑦ ᐊᑯᓂᓂᑕᐅᓂᖅᓴᓂᒃ. ᑎᐅᕋᓐᔅ ᕋᐃᐊᓐ, ᓄᓇᓕᓐᓂ ᐃᑲᔪᖅᑎᐅᓚᐅᖅᑐᖅ ᑎᑎᕋᐅᔭᕐᓂᓕᕆᓂᒃᑯᑦ, ᓴᖅᑭᐅᒪᑎᑦᓯᓂᒃᑯᑦ “ᒪᑐᐃᖓᑦᓯᐊᖅᑐᒥᒃ ᑎᑎᕋᐅᔭᕐᕕᒻᒥᒃ” ᑭᓐᖓᕐᓂᑦ 1986-ᒥ, ᐊᒥᓱᓂᒃ ᐃᓄᓐᓂᒃ ᑎᑎᕋᐅᔭᖅᑎᓂᒃ ᓴᖅᑭᒍᑕᐅᑎᓪᓗᒍ ᓇᑭᑐᐃᓐᓇᖅ ᐅᑭᐅᖅᑕᖅᑐᒥᑦ ᐃᓕᓐᓂᐊᕐᓂᒃᑯᑦ ᑎᑎᕋᐅᔭᕈᓯᓂᒃ ᐋᖅᑭᒃᑕᕕᓂᕐᓂᒃ ᑭᓐᖓᕐᓂᑦ ᐊᒻᒪ ᐊᓯᖏᓐᓄᑦ ᑎᑎᕋᐅᔭᖅᓯᒪᔪᓂᒃ ᓴᖅᑭᑎᕆᔨᓄᑦ. ᑖᒃᑯᐊ ᐃᑲᔪᕈᑏᑦ ᐱᐅᓯᒋᐊᕈᑕᐅᒃᑲᓂᖅᓯᒪᔪᑦ ᕿᑭᖅᑖᓘᑉ ᐅᐊᓕᓂᖓᓂ ᐃᓄᐃᑦ ᑯᐊᐸᖓᓂᑦ ᐅᓪᓗᒥ ᑎᑎᖅᑐᒐᓕᕆᓂᕐᒧᑦ ᐳᓚᕋᑦᑕᐅᕙᓐᓂᒃᑯᑦ ᐃᑲᔪᕈᑎᖏᑎᒍᑦ, ᑲᔪᓰᓐᓇᖅᓯᒪᔪᒃᑯᑦ 1980-ᓂ. ᑖᓐᓇ ᐳᓚᕋᑦᑎᑦᓯᓂᒃᑯᑦ ᑎᑎᖅᑐᒐᖅᑎᓂᒃ ᐃᑲᔪᕈᑎᖃᕐᓂᖅ ᐊᕐᕌᒍᒐᓴᓐᓂ ᐊᑐᖅᑕᐅᓚᐅᖅᑐᖅ ᖃᐃᖅᑯᔨᕙᑦᓱᑎᒃ ᖃᓪᓗᓈᑦ ᓄᓇᖓᓐᓂᑦ ᑎᑎᖅᑐᒐᖅᑎᓂᒃ ᑭᓐᖓᕐᓄᑦ ᐱᓕᕆᖃᑎᖃᕐᓂᐊᑎᓪᓗᒋᑦ ᐃᓄᓐᓂᒃ ᑎᑎᖅᑐᒐᖅᑎᓂᒃ.
Boats I Have Known Pootoogook, Kananginak, 1981-1982,
UN CD 1982-005 FOLIO IV, Photo © CMC
ᑎᑎᖅᑐᒐᕈᑎ ᓇᕿᑦᑕᐅᑦ ᐊᒻᒪ ᐱᓕᕆᐅᑎᖓ ᓇᕿᑦᑕᐅᑎ ᐊᑐᖅᑐᒋᒃ ᑎᑎᕐᑐᒐᕐᓂᖅ ᐊᒥᓱᕈᑎᑦᓯᔩᑦ ᑎᑎᖅᑐᒐᕐᓂᒃ ᐊᕐᕌᒍᓂ ᖁᓕᓂ ᐅᑯᐊᖑᓚᐅᖅᑐᑦ ᐃᓚᖏᑦ ᐊᕐᓇᓱ ᖁᔾᔪᐊᔪᒃ, ᐃᔨᕙᓪᓗᒃ ᐳᑐᒍᖅ, ᐊᐃᐅᓛ ᑭᓐᖑᐊᑦᓯᐊᖅ, ᕿᐊᑦᓱᒃ ᓂᕕᐊᖅᓯ, ᑲᐳᐳᕙ ᖃᑦᓯᔭ, ᓚᐃᓴ ᖁᔾᔪᐊᕐᔪᒃ, ᐲ ᒥᑭᒐᒃ, ᓵᒋᐊᖅᑐᖅ ᓵᒋᐊᖅᑐᖅ ᐊᒻᒪ ᑎᒧᑎ ᐅᑦᑐᕿ. ᐱᓯᑎᒻᒪᕇᑦ ᑎᑎᖅᑐᒐᕐᕕᒃᓴᓕᐅᕐᓂᕐᒧᑦ ᐅᑯᐊᖑᓚᐅᖅᑐᑦ ᐃᓚᖏᑦ ᐱᑦᓯᐅᓛᖅ ᓂᕕᐊᕐᓯ, ᐳᑐᒍᖅ ᕿᐊᑦᓱᒃ ᐊᒻᒪ ᐊᐅᑦᓚ ᐳᓪᓚᑦ, ᐊᒻᒪ ᐃᑎᖅᓴᓕᐅᕐᓂᒃᑯᑦ ᓴᓇᔩᑦ ᑎᑎᖅᑐᒐᓕᐅᕐᕕᓂᒃ ᐊᒻᒪ ᑎᑎᖅᑐᒐᕐᕕᒃᓴᓕᐅᕐᓂᖅ ᐆᑎᕆᓂᒃᑯᑦ ᑎᑎᖅᑐᒐᖅᑏᑦ ᐅᑯᐊᖑᓪᓗᑎᒃ ᐊᐅᒃᓱᐊᓕ ᐅᑐᕿ, ᖂᔪ ᓯᒥᒐᖅ (ᐊᒻᒪ ᑎᑎᖅᑐᒐᕈᑎᒃ ᓇᕿᑦᑕᐅᖅ) ᐊᒻᒪ ᐅᑦᓗᕆᐊᖅ ᐳᑦᓚᑦ.
ᓴᓂᐊᓂ ᐱᕈᖅᐸᓪᓕᐊᓚᐅᕐᓂᖓᑕ 1970-ᖏᓐᓂ, ᑭᓐᖓᐃᑦ ᑎᑎᖅᑐᒐᕐᕕᖓᓂ ᓴᖅᑭᑎᑦᓯᖃᑦᑕᖅᓯᒪᔪᑦ ᐅᖓᑖᓄᑦ 100 ᐊᔾᔨᒌᓐᖏᑦᑐᓂᒃ ᑎᑎᖅᑐᒐᕐᓂᒃ ᐊᕐᕌᒍᑕᒫᑦ, ᐊᕐᕌᒍᑕᒫᑦ ᑲᑎᖅᓱᖅᑕᐅᓯᒪᔪᓂᒃ ᓴᖅᑭᑎᑦᓯᖃᑦᑕᖅᓯᒪᓪᓗᑎᒃ 1980 ᐅᓄᖏᓐᓂᖅᓴᓂᒃ, 30-ᑐᐃᓐᓇᕐᓂᒃ ᓴᖅᑭᑎᑦᓯᓪᓗᑎᒃ 1989-ᒥ. ᐃᑎᖅᓴᓕᐅᕐᓂᒃᑯᑦ ᑎᑎᖅᑐᒐᕐᕕᒃᓴᓕᐅᕐᓂᖅ ᓄᖅᑲᐅᔾᔭᐅᓚᐅᖅᓯᒪᔪᖅ 1984 ᓴᓂᐊᓂ. ᐊᕐᕌᒍᑕᒫᖅᓯᐅᑎᓂᒃ ᑲᑎᖅᓱᐃᓂᒃᑯᑦ ᐃᒃᐱᒋᔭᐅᓂᖅᓴᐅᓚᐅᖅᑐᑦ ᐊᒥᓲᓐᖏᓐᓂᖅᓴᐃᑦ ᑎᑎᖅᑐᒐᖅᑏᑦ, ᑕᐃᒪᐃᒻᒪᑦ ᖃᓄᐃᓕᖓᒐᔭᕐᒪᖔᑦ ᓯᕗᓂᒃᓴᒥᒃ ᑲᔪᓯᑦᓯᐊᖏᓐᓇᕋᔭᕐᒪᖔᑦ ᑎᑎᖅᑐᒐᕐᕕᐅᑉ ᓇᓗᓇᕿᒍᑕᐅᓪᓗᓂ. ᐃᓱᓕᓕᖅᑎᓪᓗᒋᑦ ᖁᓖᑦ ᐊᕐᕌᒍᑦ, ᑭᓐᖑᐊᑦᓯᐊᖅ ᐳᑐᒍᖅ, ᕿᓐᓄᐊᔪᐊᖅ ᐋᓯᕙᒃ, ᐲᑦᑕᓘᓯ ᓴᐃᓚ, ᒥᐊᓕ ᐳᑦᓚᑦ, ᓇᐸᑦᓯ ᐳᑐᒍᖅ ᐊᒻᒪ ᐸᓪᓗ ᐳᑦᓚᑦ ᑲᑎᑦᑐᑎᒃ ᑎᑎᕋᐅᔭᖅᑎᐅᓪᓗᑎᒃ ᓴᖅᑭᑎᕆᒍᑎᒋᓕᓚᐅᖅᓯᒪᔭᖓ ᓄᐃᑕᒐᔭᖅᑐᓂᒃ ᑎᑎᖅᑐᒐᕐᕕᒻᒥ.
Snow House of my Youth Ashoona, Pitseolak, 1980,
UN CD 1980-005 FOLIO II, Photo © CMC
ᑭᓯᐊᓂ, ᐊᒥᓱᒐᓚᐃᑦ ᒪᒃᑯᓐᓂᖅᓴᐃᑦ ᑎᑎᖅᑐᒐᖅᑏᑦ ᐊᒻᒪ ᑎᑎᖅᑐᒐᕐᓂᒃ ᓴᖅᑭᑎᕆᔩᑦ ᓂᐱᖃᕈᑎᒋᓇᒍ ᐃᓱᒪᓐᓂᕐᒪᑕ ᓯᕗᓕᐅᖅᑎᐅᓂᒃᑯᑦ ᐱᓕᕆᖃᑕᐅᓂᖅᓴᐅᒋᐊᖅ ᓄᐃᑕᓐᖏᑦᑑᒐᓗᐊᒃᑯᑦ. ᐱᑦᓯᐅᓛᖅ ᓂᕕᐊᖅᓯ, ᐱᓇᓱᐊᖃᑎᖃᖃᑦᑕᖅᓯᒪᔪᖅ ᖃᐃᖅᑯᔭᐅᓯᒪᔪᓂᒃ ᑎᑎᖅᑐᒐᖅᑎᓂᒃ ᐃᑲᔪᕆᐊᖅᓯᒪᔪᓂᒃ ᐊᒻᒪ ᓴᖅᑭᑎᕆᔨᒻᒪᕆᒃ ᑎᑎᖅᑐᒐᕐᓂᒃ ᐃᓪ ᕆᑦᓯ 1980-ᖏᓐᓂᒃ ᐱᓕᕆᖃᑎᒋᓯᒪᓪᓗᓂᐅᒃ, ᕿᒥᕐᕈᕙᓪᓕᐊᓕᖅᓱᑎᒃ ᐊᔾᔨᒌᓐᖏᑦᑐᓂᒃ ᑎᑎᖅᑐᒐᕐᕕᒃᓴᓕᐅᕐᓂᖅ—ᑎᑎᖅᑐᒐᕐᕕᒃᓴᓕᐅᕐᓂᖅ ᐃᕐᒥᓂᒃᑯᑦ, ᐊᖏᔫᑎᓂᓪᓗ ᓴᓇᐅᒐᖅᑕᐅᓯᒪᔪᓂᒃ, ᓴᕕᕋᔭᓕᕆᓂᒃᑯᓪᓗ ᐊᒻᒪ ᐱᑐᐃᓐᓇᐅᓐᖏᓐᓂᖏᓐᓂᒃ ᐊᒥᐊᖏᑕ - ᐅᓄᖅᓯᒋᐊᖁᓪᓗᒋᑦ ᑭᓐᖓᕐᓂᑦ ᑎᑎᕋᐅᔭᖅᑏᑦ. ᖃᕙᕙᐅᖅ ᒪᓄᒥᐅᑉ ᑲᔪᓯᑦᓯᐊᕙᓪᓕᐊᑐᐃᓐᓇᓚᐅᕐᓂᖓ ᑎᑎᕋᐅᔭᖅᑎᐅᓪᓗᓂ ᐊᒻᒪ ᐅᒃᑯᓯᒃᓴᒧᑦ ᑎᑎᕋᐅᔭᖅᑕᓂᒃ ᓴᖅᑭᑎᕆᔨ ᖃᐅᔨᒪᔭᐅᓂᖃᓕᓚᐅᖅᓯᒪᔪᖅ ᐱᒋᐊᖅᓯᒪᔪᑐᖃᐅᓕᖅᑎᓪᓗᒋᑦ 1980 ᐊᕐᕌᒍᐃᑦ, ᐊᒻᒪ ᕿᐊᑦᓱᒃ ᓂᕕᐊᖅᓯᓗ ᐱᓕᕆᖃᑕᐅᓂᖅᓴᐅᓕᓚᐅᖅᓯᒪᔫᒃ ᑎᑎᖅᑐᒐᕐᕕᒻᒥ. ᐊᑐᖅᑐᑐᖃᐅᓕᖅᑎᓪᓗᒋᑦ 1980, ᑎᑎᖅᑐᒐᖅᑎ ᐊᐅᓪᓚ ᐳᑦᓚᑦ ᐊᒻᒪ ᐊᕐᓇᖅᑯ ᐋᓯᕙᒃ - ᐃᓚᒋᓕᐅᑎᒋᐊᓚᐅᖅᓯᒪᔫᒃ ᑎᑎᖅᑐᒐᕐᕕᒻᒧᑦ - ᐃᑲᔪᕐᓂᖃᓕᖅᓱᑎᒃ ᓴᖅᑭᑎᕆᓂᒃᑯᑦ ᓄᑖᓂᒃ ᐊᔾᔨᐅᓐᖏᒻᒥᔪᓂᒃ ᑎᑎᕋᐅᔭᕈᓯᕐᓂᒃ ᑎᑎᖅᑐᒐᕐᕕᒻᒥ. ᔨᒥ ᒫᓂᖕ, ᐱᓇᓱᐊᕆᐊᓯᓚᐅᖅᓯᒪᔪᖅ ᑎᑎᖅᑐᒐᕐᕕᒻᒥ 1970 ᐊᑐᓕᖅᑎᓪᓗᒋᑦ, ᐱᔭᒃᓴᖃᕐᓂᖅᓴᐅᓕᓚᐅᖅᓯᒪᔪᖅ ᑲᒪᔨᐅᓪᓗᓂ ᑎᑎᖅᑐᒐᕐᕕᒻᒥ. ᑖᓐᓇ ᑎᐅᕋᓐᔅ ᕋᐃᐊᓐ ᑎᑎᕋᑦᓯᐊᓕᓚᐅᖅᓯᒪᔪᖅ 1987-ᒥ ᑎᑎᖅᑐᒐᕐᓂᒃ ᓇᓗᓇᐃᔭᐃᓪᓗᓂ, "ᐊᓯᔾᔨᕆᐊᕈᑕᐅᓪᓚᕆᑦᑎᓪᓗᒋᑦ ᓄᑖᓄᑦ...."