ᑭᓐᖓᕐᓂᑦ ᑎᑎᖅᑐᒐᐃᑦ ᑲᓇᑕᐅᑉ ᑕᑯᔭᒐᖃᕐᕕᖓᓃᑦᑐᑦ ᐊᑐᖅᓯᒪᔭᑦᑎᓐᓂᒃ ᑕᑯᒃᓴᐅᑎᑦᓯᓂᖅ


ᐃᓄᐃᑦ ᑎᑎᕋᐅᔭᒐᖏᑦ ᑭᓐᖓᓂᖓᕐᑐᑦ ᐱᑎᑦᑎᒃᒪᑕ ᑲᓇᑕᒥ ᑲᑎᑕᐅᓯᒪᔪᑦ ᐃᓄᐃᑦ ᑎᑎᕋᐅᔭᒐᖏᑦ ᑭᓐᖓᓂᖓᕐᑐᑦ, ᓄᓇᕗᑦᒥ, ᐃᓄᑐᐃᓐᓇᕐᓄᑦ ᐱᔭᐅᔪᓐᓇᕐᑐᑦ ᖃᐅᔨᓴᕐᑐᓄᑦ, ᐃᓕᓐᓂᐊᕐᐸᓪᓕᐊᔪᓄᑦ ᐊᒻᒪᓗ ᐱᐅᒃᓴᕐᑐᓄᑦ. ᑕᓐᓇ ᖃᕋᓴᐅᔭᒃᑯᑦ ᑕᑯᒋᐊᕐᕕᒃ ᓴᕿᑎᑕᐅᔪᓐᓇᓚᐅᕐᑐᖅ ᑭᓇᐅᔭᕐᑕᕈᑕᐅᓪᓗᓂ ᑲᓇᑕᒥ ᐃᓕᖁᓯᓕᕆᔨᒃᑯᓐᓄᑦ, ᐃᑲᔪᕐᑕᐅᓪᓗᑎᒃ ᑐᐊᓴᑦ ᓴᓇᐅᒐᑦᑎᐊᕙᐃᑦ, ᐊᒻᒪᓗ ᐃᑲᔪᕐᑕᐅᓪᓗᑎᒃ ᑲᓇᒃᓇᖓᓂ ᕿᑭᕐᑕᓗᑦ ᐃᓄᐃᑦ ᑯᐊᐸᖏᑦ ᑭᓐᖓᓂ.

Kenojuak Ashevak and Kavavaow Mannomee in the process of creating the print The Sun's Return, created by the stonecut and stencil technique

Kenojuak Ashevak and Kavavaow Mannomee in the process of creating the print "The Sun's Return", created by the stonecut and stencil technique photo Jimmy Manning, 1992-1993,
IMG2008-0938-0015-S, Photo © CMC

ᑲᓇᑕᒥ ᑕᑯᔭᒐᖃᕐᕕᖓᓂ ᓂᐅᕕᓚᐅᕐᒪᑕ ᓯᕗᓪᓕᖅᐹᒥ ᓄᑖᖑᓂᖅᓴᓂᒃ ᐊᔾᔨᒌᓐᖏᑦᑐᓂᒃ ᓴᓇᐅᒐᕐᓂᒃ 1953-ᖑᑎᓪᓗᒍ. ᐊᕐᕌᒍᑦ 50 ᐅᖓᑖᓄᑦ, ᑕᑯᔭᒐᖃᕐᕕᒻᒥ ᐃᑲᔪᖅᓯᓯᒪᒻᒪᑕ ᐃᓄᐃᑦ ᓴᓇᒍᓯᖏᓐᓂᒃ ᐊᑐᖅᓱᑎᒃ ᓴᖅᑭᔮᖅᑐᓂᒃ ᐊᒻᒪ ᓴᖅᑭᐸᓪᓕᐊᔪᓂᒃ ᐃᑲᔪᕈᑎᒃᓴᓂᒃ ᓄᐃᑕᑎᑦᓯᓂᒃᑯᑦ, ᓄᐊᑦᓯᓂᒃᑯᑦ, ᖃᐅᔨᓴᕐᓂᒃᑯᑦ ᐊᒻᒪ ᓴᖅᑭᑎᕆᕙᓪᓕᐊᓂᒃᑯᑦ. ᖃᓄᖅ ᐱᓕᕆᖃᑎᒌᓐᓂᖏᑦ ᐃᓄᐃᑦ ᓴᓇᓐᖑᐊᖅᑏᑦ ᖃᓄᑐᐃᓐᓇᖅ ᐊᒻᒪ ᑕᑯᔭᒐᖃᕐᕕᒻᒥ ᓱᓕ ᑲᔪᓰᓐᓇᖅᑐᖅ.

ᐊᒥᓱᕈᖅᑎᑦᓯᓂᖅ ᑎᑎᕋᐅᔭᖅᓯᒪᔪᓂᒃ ᓴᖅᑭᑕᐅᓚᐅᖅᓯᒪᔪᖅ ᐅᑭᐅᖅᑕᖅᑐᒥ ᐊᑐᖅᑐᑐᖃᐅᑎᓪᓗᒋᑦ 1950 ᐊᕐᕌᒍᐃᑦ. ᑕᑯᔭᒐᖃᕐᕕᒻᒥ ᐃᑲᔪᓚᐅᖅᑐᑦ ᑖᒃᑯᓂᖓ ᓄᑖᓂᒃ ᐱᐅᓯᑎᑦᓯᒋᐊᓪᓚᓐᓂᕐᒧᑦ ᐊᑕᖏᖅᑐᒋᑦ ᑲᑎᖅᓱᐃᓂᕐᒧᑦ ᐃᓄᐃᑦ ᑎᑎᖅᑐᒐᖏᓐᓂᒃ, ᓇᓂᑐᐃᓐᓇᖅ ᑕᑯᑦᓴᐅᔪᓐᓇᕐᓂᐊᓕᖅᑎᓪᓗᒋᑦ ᐊᖏᕐᕋᖏᓐᓂ ᐊᒻᒪ ᓇᓂᑐᐃᓐᓇᖅ. ᐃᓄᐃᑦ ᑎᑎᖅᑐᒐᖏᑦ ᑐᑭᓯᔭᐅᓯᒪᔪᑦ ᑕᑯᔭᒐᖃᕕᒻᒧᐊᖅᑕᐅᒐᔭᖅᑐᓂᒃ ᐱᖓᓲᓕᖓᑎᓪᓗᒋᑦ ᐃᒫᒃ:

  1. ᓂᐅᕕᖅᓱᑎᒃ ᐅᑭᐅᖅᑕᖅᑐᒥ ᑯᐊᐸᒃᑯᓐᓂᑦ, ᑎᑎᕋᐅᔭᖅᑎᓂᑦ ᐅᕝᕙᓘᓐᓃᑦ ᖃᓪᓗᓈᑦ ᓄᓇᖏᓐᓂ ᓂᐅᕕᕐᕕᓂᑦ
  2. ᐊᑭᖃᓐᖏᑦᑐᓂᓪᓗ ᑐᓂᔭᐅᓂᒃᑯᑦ
  3. ᑐᓂᕐᕈᓯᐊᓂᓪᓗ ᐃᓄᓕᕆᔨᑐᖃᒃᑯᓐᓂᑦ ᐊᒻᒪ ᓄᓇᒥᐅᑕᓕᕆᔨᒃᑯᖏᓐᓂᒃ

ᐅᓪᓗᒥ, ᑕᑯᔭᒐᖃᕐᕕᒻᒥ ᑲᑎᖅᓱᐃᓯᒪᔪᑦ ᑎᑎᖅᑐᒐᕐᓂᒃ ᓂᐅᕕᖅᓱᑎᒃ ᐊᒻᒪ ᐃᑲᔪᖅᑕᐅᓂᒃᑯᑦ ᐊᑭᖃᓐᖏᑦᑐᓂᒃ. ᑖᒃᑯᐊ ᓄᐊᑕᐅᓂᑯᐃᑦ - ᑲᓇᑕᒥ ᐊᓐᓂᓇᖅᑐᒻᒪᕆᐊᓗᐃᑦ-ᐱᒻᒪᕆᐊᓘᒻᒪᑕ ᑲᓇᑕᒥᐅᑦ ᑎᑎᕋᐅᔭᖅᑎᖏᓐᓄᑦ ᐊᒻᒪ ᐃᓕᖅᑯᓯᑎᒍᑦ ᐱᖅᑯᓯᕕᓂᕐᒧᑦ. ᐅᑯᐊ ᑕᕝᕙ ᐅᑲᖅᓯᒪᔪᑦ ᖃᓄᖅ ᐃᓚᐅᒍᓐᓇᕐᒪᖔᖅᐱᑦ ᐅᓂᒃᑳᓕᐊᕆᔭᐅᔪᓄᑦ.

ᑲᓇᑕᒥ ᑕᑯᔭᒐᖃᕐᕕᒻᒥ ᓂᕆᐅᒋᔭᖃᖅᑑᒐᓗᐊᑦ ᓄᐊᑦᓯᒍᒪᓪᓗᑎᒃ ᑕᒪᐃᓐᓂᒃ ᑎᑎᕋᐅᔭᖅᓯᒪᔪᓂ ᐊᑐᐃᓐᓇᐅᑉᐸᑕ ᐊᔪᕐᓇᓐᖏᑉᐸᑦ ᖃᕆᑕᐅᔭᒃᑯᑦ, ᑭᓐᖓᕐᒦᓐᖔᖅᑐᓂᒃ ᓴᖅᑭᑎᑦᓯᒋᐊᖅᑳᕋᔭᕐᓂᕐᒥᒃ ᐃᓄᐃᑦ ᑎᑎᕋᐅᔭᖅᓯᒪᔭᖏᓐᓂᒃ, ᐱᒋᐊᕐᓂᐅᓪᓗᓂ. ᑕᑯᔭᒐᖃᕐᕕᒻᒥ ᓄᐊᑕᐅᓯᒪᔪᑦ ᑭᓐᖓᕐᓂᑦ ᑎᑎᖅᑐᒐᐃᑦ ᐊᕐᕌᒍᑦ 50 ᐊᑯᓐᓂᖏᓐᓂ, (ᐊᑯᓐᓂᖏᓐᓂ ᑕᓪᓕᒪᐃᑦ ᑭᖑᓪᓖᑦ ᖁᓖᑦ ᐊᕐᕌᒍᑦ), ᐱᒋᐊᖅᓱᑎᒃ 1957-ᒥᑦ. ᑖᒃᑯᐊ ᑲᑎᖅᓱᖅᑕᐅᓯᒪᔪᑦ, ᑎᑭᐅᑎᓕᖅᑐᑦ 3,000 ᓴᓂᐊᓄᑦ ᑎᑎᖅᑐᒐᐃᑦ, ᑕᑯᒃᓴᐅᑎᑦᓯᔪᑦ ᑎᑎᕋᐅᔭᒃᑲᓂᒃ ᐊᒻᒪ ᐱᓕᕆᐊᕆᔭᐅᓂᖏᑦᑕ ᖃᓄᖅ ᓄᑖᑎᒍᑦ ᑲᒪᒋᔭᐅᕙᓪᓕᐊᓯᒪᓂᖏᓐᓂᒃ ᐊᒻᒪ ᐊᓯᔾᔨᖅᐸᓪᓕᐊᓯᒪᓂᖏᓐᓂᒃ ᐱᖓᓲᓕᖓᔪᑎᒍᑦ ᑭᖑᕚᕇᑎᒍᑦ ᑎᑎᕋᐅᔭᐅᔭᕈᓯᖏᑦᑕ ᐊᓯᔾᔨᖅᐸᓪᓕᐊᓯᒪᓂᖏᓐᓂᒃ.

Pitaloosie Saila, surrounded by children, using coloured pencils to draw what would become a print depicting two women

Pitaloosie Saila, surrounded by children, using coloured pencils to draw what would become a print depicting two women photo Jimmy Manning, 1992-1993,
IMG2008-0938-0302-S, Photo © CMC

ᐊᒻᒪ ᑎᑎᖅᑐᒐᐃᑦ ᐊᒥᓱᐊᓗᐃᑦ ᐊᔾᔨᒌᓐᖏᑦᑐᑦ ᐊᑎᖃᐅᖅᑐᑦ. ᐃᓚᖏᑦ ᑎᑎᕋᐅᔭᖅᓯᒪᔪᑦ ᐅᓂᒃᑳᖅᑐᐊᓂᒃ ᐊᒻᒪ ᐃᖅᑲᐅᒪᔭᐅᔪᑐᖃᕐᓂᒃ ᐃᓅᓯᐅᕙᓚᐅᖅᑐᓂᒃ, ᐊᓯᖏᓪᓗ ᑕᑯᒃᓴᐅᑎᑦᓯᔪᑦ ᐃᓅᓯᐅᑉ ᐊᓯᔾᔨᖅᐸᓪᓕᐊᓂᖓᓂᒃ ᐅᑭᐅᖅᑕᖅᑐᒥ ᐊᒻᒪ ᖃᓄᖅ ᐊᓯᔾᔨᖅᑐᖅᑕᐅᕙᓪᓕᐊᓯᒪᓂᖏᓐᓂᒃ ᖃᓪᓗᓈᑦ ᓄᓇᖓᓂᕐᒥᐅᓄᑦ. ᓄᓇ, ᑕᕆᐅᕐᔪᐊᕐᓗ, ᐊᒻᒪ ᐅᑭᐅᖅᑕᖅᑐᒥ ᐆᒪᔪᐃᑦ ᑎᑎᕋᐅᔭᖅᑕᐅᒡᒍᔪᑦ, ᐊᒻᒪ ᓴᖅᑭᑎᑦᓯᒍᑕᐅᓪᓗᑎᒃ ᐃᓄᐃᑦ ᑎᑎᕋᐅᔭᖅᑏᑦ ᐃᓱᒪᒋᔭᖏᓐᓂᒃ ᐊᒻᒪ ᐃᓅᓯᕐᒥ ᒥᒃᓵᓄᑦ ᓯᓚᕐᔪᐊᕐᒥ. ᑎᑎᕋᐅᔭᖅᑕᐅᓯᒪᔪᑦ ᐅᓂᒃᑳᖅᓯᒪᑦᓯᐊᖅᑐᑦ ᐃᓄᐃᑦ ᑭᒃᑰᒻᒪᖔᑕ - ᑭᖑᓂᑦᑎᓐᓂ ᐊᒻᒪ ᒫᓐᓇᐅᓕᖅᑐᖅ - ᐊᒻᒪ ᓄᐃᑦᓯᒍᑕᐅᔪᑦ ᐊᔾᔨᒌᓐᖏᑦᑐᒻᒪᕆᓐᓂᒃ ᑲᓇᑕᐅᑉ ᐱᖅᑯᓯᕆᓯᒪᔭᖏᑕ ᒥᒃᓵᓄᑦ.

ᑭᓐᖓᐃᑦ ᖃᐅᔨᒪᔭᐅᓂᖃᖅᐳᑦ ᐊᑎᖓ “ᑭᓐᖓᐃᑦ” ᑐᑭᖃᖅᑐᓂ “ᖃᖅᑲᓕᒃ” ᑭᓐᖓᕐᓂᑦ. ᐃᓄᒋᐊᓐᓂᖃᖅᑐᖅ ᓴᓂᐊᓂ 1,200, ᑭᓐᖓᐃᑦ ᕿᑭᖅᑕᖓᓃᑦᑐᖅ ᑭᓐᖓᐅᑉ, ᓴᓂᐊᓂ ᓴᓪᓕᐅᑉ-ᑭᓐᖓᐃᓪᓗ ᑕᕆᐅᖓᓂ , ᐊᒻᒪ ᓴᓂᐊᓂ ᕿᑭᖅᑖᓘᑉ (64°13′54″ᐅᐊᓐᓇᒥ ᐊᒻᒪ 076°32′25″ᐱᖓᓐᓇᒥ).
ᑲᓇᑕᐅᒥ ᐊᖏᓂᖅᐹᖅ ᐊᒻᒪ ᐅᑭᐅᖅᑕᖅᑐᕐᒥ, ᓄᓇᕗᒻᒥ ᓴᖅᑭᑕᐅᓚᐅᖅᓯᒪᔪᑦ ᐊᐃᕆᓕ 1, 1999-ᒥ. ᓄᓇᕗᑦ ᓄᓇᖓ ᐊᖏᓂᖃᑲᓵᒻᒪᑦ 1.9 ᒥᓕᐊᓐ ᔅᑯᐅᐃᕐ ᑭᓛᒥᑐᕐᔅᓂᒃ ᐊᒻᒪ 25,ᓂᒃ ᓄᓇᓕᖃᖅᑐᑦ, ᐱᖃᓯᐅᑎᓪᓗᒍ ᒐᕙᒪᖃᕐᕕᒃ, ᐃᖃᓗᐃᑦ. ᓄᓇᕗᒻᒥ ᑎᓴᐅᒪᐅᓕᖓᔪᓂᒃ ᐅᖃᐅᓯᖃᓗᐊᖅᑐᑦ. ᐃᓄᑦᑎᑐᑦ, ᐃᓄᐃᓐᓇᖅᑐᑦ, ᖃᓪᓗᓈᑎᑐᑦ ᐊᒻᒪ ᐅᐃᒍᐃᑎᑐᑦ.
Bibliography Credits