ᐸᐃᑉᐹᒃᑯᑦ ᑎᑎᕋᐅᔭᒐᕐᓂᒃ ᐃᔾᔪᐊᖅᓯᓂᖅ
Iyola Kingwatsiak creating a stencil print photo Rosemary Gilliat Eaton, September 27, 1960,
Library and Archives Canada, Photo © CMC
ᑎᑎᕋᐅᔭᖅᑏᑦ ᑭᑐᑦᑐᒃᑯᑦ ᐸᐃᑉᐹᒃᑯᑦ ᑎᑎᕋᐅᔭᒐᕐᒥᒃ ᖄᖓᓄᐊᖅᓯᓪᓗᓂ ᐃᔾᔪᐊᖅᓯᕗᖅ ᑎᑎᕋᕐᖢᓂᐅᒃ. ᐃᔾᔪᐊᕌᓂᒃᑲᒥᐅᒃ ᐃᐱᒃᑐᒥᒃ ᓴᕕᖕᒥᒃ ᐊᑐᕐᖢᓂ, ᖄᖓᓃᖅᑐᖅ ᑎᑎᕋᐅᔭᖅ ᓯᓚᑎᖓ ᓇᕿᑎᓐᓂᐊᖅᐸᖓ, ᑎᑎᕋᐅᔭᒐᑐᐊᖅ ᖄᖓᓃᓪᓗᓂ ᐱᓕᕐᓂᐊᕐᒪᑦ. ᓇᕿᑎᐊᓂᒃᑯᓂᐅᒃ ᐊᔾᔨᓕᐅᖅᑕᐅᓂᐊᖅᑐᖅ ᐊᔾᔨᐅᓂᖓ ᖄᖓᓃᑉᐳᖅ, ᐊᒥᐊᖅᑕᐅᓂᐊᖅᑐᖅ.
ᐸᐃᑉᐹᑉ ᑕᖅᓯᖅᑕᐅᓂᐊᖅᑑᑉ ᖄᖓᓄᑦ ᓇᑲᑎᖅᓯᒪᔪᖅ ᐸᐃᑉᐹᖅ ᐃᓕᔭᐅᕗᖅ. ᑎᑎᕋᐅᔭᖅᑎᐅᑉ ᐊᒥᐊᕈᑎᒥᒃ ᐊᑐᕐᖢᓂ ᓇᕿᑎᖅᓯᒪᓂᖏᑦ ᐊᒥᐊᖅᐸᖏᑦ, ᐊᒥᐊᕐᕕᐅᓂᐊᖅᑐᖅ ᐊᖕᒪᔪᖃᐅᕐᓂᖏᑦᑎᒍᑦ ᐊᒥᐊᖅᐸᖓ. ᐊᒥᐊᖅ ᐸᓂᖅᐸᑦ, ᓱᓕ ᐊᓯᖏᓐᓂᒃ ᑕᖅᓴᓂᒃ ᐊᑐᕐᓗᓂ ᑕᐃᒪᐃᓕᐅᕐᕕᒋᒃᑲᓐᓂᕐᓂᐊᖅᑕᖓ. ᐅᒃᑯᓯᒃᓴᓕᒃᑯᑦ ᑎᑎᕋᐅᔭᖅᓯᒪᔪᑦ ᐸᐃᑉᐹᒃᑯᑦ ᓇᕿᑎᖅᓯᒪᔪᓪᓗ ᐊᑐᓂ ᐊᑐᖅᑕᐅᕙᒃᑭᕗᑦ, ᑕᖅᓴᖏᑦ ᑎᑎᕋᐅᔭᒐᐅᑉ ᐋᖅᑭᐅᒪᑦᑎᐊᕆᐊᖏᑦᑕ.
Mother Birds Protecting Young Ashoona, Pitseolak, 1961, CD 1961-032, Photo © CMC