1950-ᓂ ᐆᒃᑐᕋᐅᑕᐅᓯᒪᓂᖏᑦ ᐊᕐᕌᒍᓂ

Untitled

Untitled Pitseolak, Peter,
P-176, Photo © CMC

ᓯᕗᓂᐊᓂ 1957, ᑎᑎᕋᐅᔭᕐᓂᖅ ᐸᐃᑉᐹᑎᒍᑦ ᐊᑐᖅᑕᐅᓗᐊᖅᐸᓚᐅᖅᓯᒪᓐᖏᒻᒪᑦ ᑲᓇᑕᐅᑉ ᑲᓇᓐᓇᖓᓂ ᐅᑭᐅᖅᑕᖅᑐᒥ, ᐃᓛᓐᓂᒃᑯᑦ ᑭᓇᑐᐃᓐᓇᖅ ᓲᕐᓗ /ᓅᑰ ᐅᓱᐃᑦᑐᒃ/ᐲᑕ ᐱᑦᓯᐅᓛᖅ/ ᐃᓛᓐᓂᓚᐅᓱᖓᖅ ᑎᑎᕋᐅᔭᖃᑦᑕᖅᓯᒪᔫᒐᓗᐊᒃ ᐊᒻᒪ ᐃᒪᕐᒨᖓᔪᓂᒃ ᐊᒥᐊᕐᓂᒃᑯᑦ ᑎᑎᕋᐅᔭᖅᐸᑦᓱᑎᒃ ᓴᓇᕐᕈᑎᑦᓴᖃᑦᓯᐊᑐᐊᕋᒥᒃ ᑭᓯᐊᓂ. ᐊᔪᖅᓴᕋᓗᐊᖅᓱᑎᒃ ᑎᑎᕋᐅᔭᕐᕕᒃᓴᓂᒃ ᐸᐃᑉᐹᒥᒃ, ᐃᓄᐃᑦ ᑎᑎᕋᐅᔭᖃᑦᑕᖅᓯᒪᓕᖅᑐᑦ ᐊᕐᕌᒍᓂ ᐊᒥᓱᓂ. ᑎᑎᕋᐅᔭᖅᓯᒪᓲᖑᒻᒥᔪᑦ ᑑᒑᓂ, ᐅᔭᕋᓂ ᐊᒻᒪ ᐅᒥᒻᒪᐅᑉ ᓇᔾᔪᖏᓐᓂ - ᐱᐊᔪᐊᓗᓐᓂᒃ ᑎᑎᕋᐅᔭᕐᕕᐅᓯᒪᔪᑦ ᐊᒻᒪ ᐱᓐᓇᕆᔭᐅᓯᒪᔪᓂᒃ ᐅᑉᐱᓂᒃᑯᑦ ᐊᒻᒪ ᐆᒪᔪᓐᖑᐊᓂᒃ ᓯᓚᕐᔪᐊᕐᒥ - ᐃᖅᑲᐅᒪᒍᑕᐅᔪᓂᒃ ᐊᕐᕌᒍᒐᓵᓗᓐᓂ ᑕᐅᓴᓂ ᐊᑐᖅᓯᒪᔪᓂ. ᐃᓕᐅᖅᑲᖅᓯᒪᔪᑦ ᐊᓐᓄᕌᓄᑦ ᐊᒻᒪ ᓂᕈᒥᐊᒐᕐᓄᑦ ᒥᖅᓱᖅᑕᐅᓂᑯᐃᑦ ᐃᓄᓐᓂᑦ ᐊᕐᓇᓂᑦ ᑕᑯᒃᓴᐅᑎᑕᐅᑦᓯᐊᖅᑐᑦ ᓴᖅᑭᑎᑦᓯᓯᒪᑎᓪᓗᒋᑦ ᐃᓕᖅᑯᓯᖏᓐᓂᒃ ᓇᑦᓯᔭᒃᑯᑦ ᐊᒻᒪ ᑐᑦᑐᕋᔭᒃᑯᑦ ᒥᖅᓱᖅᓯᒪᓂᖏᑎᒍᑦ. ᑕᒪᒃᑯᐊ ᐱᖅᑯᓯᖏᑦ ᓱᓕ ᐅᓪᓗᒥ ᐊᑐᖅᑕᐅᔪᑦ ᐊᑐᖅᑐᑦ ᓱᓕ ᐅᓪᓗᒥ ᐊᒻᒪ ᑕᐃᑦᓱᒪᓂᑐᖃᖅ ᓱᓇᕐᕈᑎᐅᕙᑦᑐᕕᓂᕐᓂᒃ.

James Houston near a house

James Houston near a house photo Peter Pitseolak, 1950-1955,
2000-1531, Photo © CMC

ᑎᑎᖅᑐᒐᕐᓂᒃ ᐊᒥᓱᕈᖅᑎᑦᓯᓂᖅ ᓴᖅᑭᑕᐅᖅᑳᓚᐅᖅᓯᒪᕗᖅ ᑭᓐᖓᕐᓂᑦ ᐊᑐᖅᑐᑐᖃᐅᓕᖅᑎᓪᓗᒋᑦ 1957, ᔭᐃᒻᔅ ᕼᐃᐅᔅᑕᓐᒧᑦ (1921–2005), ᑎᑎᕋᐅᔭᖅᑎᒻᒪᕆᒻᒧᑦ, ᑎᑎᕋᖅᑎᒧᑦ ᐊᒻᒪ ᐊᐅᓚᑦᓯᔨᐅᓚᐅᖅᑐᒧᑦ ᕿᑭᕐᑖᓘᑉ ᓂᒋᐊᓂ ᑯᐊᐸᒃᑯᖏᓐᓂᑦ. ᐃᖅᑲᓇᐃᔭᖅᑎᒋᔭᐅᓚᐅᖅᑐᖅ ᑲᓇᑕᐅᑉ ᒐᕙᒪᒃᑯᖏᓐᓄᑦ ᑲᔪᖏᖅᓱᐃᖁᔭᐅᓪᓗᓂ ᓴᖅᑭᑎᕆᔪᑦᓴᐅᓂᕐᒧᑦ ᓴᓇᐅᒐᕐᓂᒃ ᐊᒻᒪ ᒥᖅᓱᖅᓯᒪᔪᓂᒃ ᓴᓇᓐᖑᐊᖅᓯᒪᔪᓂᒃ ᖃᓄᑐᐃᓐᓇᖅ ᐅᑭᐅᖅᑕᖅᑐᒥ ᐊᒻᒪ ᑲᔪᖏᖅᓱᐃᖁᔭᐅᓪᓗᓂ ᐃᓄᐃᑦ ᑎᑎᖅᑐᒐᖏᓐᓂᒃ ᕿᑭᖅᑖᓘᑉ ᓂᒋᐊᓂ ᑯᐊᐸᒃᑯᖏᓐᓂᑦ. ᑭᓐᖓᕐᓂᑦ ᓴᖅᑭᑕᐅᒻᒪᑦ ᓄᑖᑦᓯᐊᖅ ᓴᓇᓐᖑᐊᕐᕕᒃ, ᕼᐃᐅᔅᑕᓐ ᐊᒻᒪ ᐅᓱᐃᑦᑐᖅ ᐊᐃᐱᓕ (1922–2005) ᐊᒻᒪ ᑲᓈᖏᓐᓈᖅ ᐳᑐᒍᖅ (1935-2010) ᐆᒃᑐᕋᕆᐅᖅᓴᓕᓚᐅᖅᓯᒪᔪᑦ ᐊᑐᖅᓱᑎᒃ ᖃᓪᓗᓈᖅᑕᒥᒃ ᐊᒻᒪ ᐸᐃᑉᐹᑎᒍᑦ ᑎᑎᖅᑐᒐᕐᓂᕐᒥᒃ ᐊᑐᖅᓱᑎᒃ ᓇᑎᑦᓴᔭᓂᒃ ᓇᑲᑎᕆᕕᒋᓪᓗᒋᑦ ᐱᒡᒐᓇᓐᖏᑦᑐᓂᒃ ᑎᑎᖅᑐᒐᕐᓂᒃ.

ᓯᕗᓪᓕᖅᐹᒥ ᓴᖅᑭᑕᐅᔪᑦ ᑲᔪᓯᕙᓪᓕᐊᑦᓯᐊᕐᓂᐊᖅᑑᔭᓚᐅᖅᓯᒪᔪᑦ. ᐅᓱᐃᑦᑐᖅ ᐊᐃᐱᓕ ᐊᒻᒪ ᑲᓈᖏᓐ`ᓈᖅ ᐳᑐᒍᖅ ᐃᓚᑖᓚᐅᖅᓯᒪᔫᒃ ᑎᑎᖅᑐᒐᓕᐅᕐᕕᒻᒥ ᐅᑯᓂᖓ ᐊᐃᐅᓛ ᑭᓐᖑᐊᑦᓯᐊᒧᑦ (1933-2000), ᓗᒃᑲ ᕿᐊᑦᓱᒃ (1928-2004), ᐃᔨᕙᓪᓗᒃ ᐳᑐᒍᖅ (1931-2000) ᐊᒻᒪ ᑐᓵᔨ ᔪᐊᓇᓯ ᓵᓚᒨᓂ (1938-1998). ᐱᒋᐊᖅᓱᑎᒃ ᐊᑐᖅᑐᑐᖃᐅᓕᖅᑎᓪᓗᒋᑦ 1957 ᐃᓱᓕᑦᓱᒍ ᓄᓐᖑᐊᓄᑦ 1958, ᐊᑐᖃᑦᑕᓕᓚᐅᖅᓯᒪᔪᑦ ᐊᒥᓲᓐᖏᑦᑐᓂᒃ ᐊᑐᐃᓐᓇᐅᔪᓂᒃ ᓴᓇᓐᖑᐊᕈᑎᒃᓴᓂᒃ, ᑕᒪᒃᑯᐊ ᐃᑲᔪᕈᑎᒃᓴᐃᑦ ᑎᑎᕋᐅᔭᖅᑎᓄᑦ ᓴᓇᓐᖑᐊᖅᑎᓄᓪᓗ ᐊᑐᖅᑕᐅᖏᓐᓇᓕᓚᐅᖅᓯᒪᔪᑦ ᐆᒃᑐᕋᐅᑕᐅᓪᓗᑎᒃ ᐊᒻᒪ ᓴᖅᑭᑎᑦᓯᓚᐅᖅᑐᑦ ᓇᓗᓇᐃᒃᑯᓯᖅᑐᖅᑕᐅᓯᒪᓐᖏᑦᑐᓂᒃ, ᐆᒃᑐᕋᐅᑕᐅᓪᓗᑎᒃ ᑲᑎᖅᓱᖅᑕᐅᓯᒪᔪᓂᒃ ᓴᓂᐊᓂ 20 ᐅᓄᖅᑎᒋᔪᑦ (ᓴᖅᑭᑕᐅᓯᒪᔪᑦ) ᐊᒻᒪ (ᑎᑎᖅᑐᒐᖅᓯᒪᔪᑦ) ᐸᐃᑉᐹᒧᑦ ᓴᖅᑭᑕᐅᓪᓗᑎᒃ. ᐊᕙᑏᑦ (20) ᑎᑎᖅᑐᒐᖅᓯᒪᔪᑦ ᖃᐅᔨᓴᕈᑕᐅᓯᒪᔪᑦ ᓂᐅᕕᐊᒃᓴᐅᔪᓐᓇᕋᔭᕐᒪᖔᑕ ᓂᐅᕕᖅᑎᒃᑯᑎᒍᑦ ᕼᐊᑦᓴᓐ ᐸᐃ ᑲᒻᐸᓂᒃᑯᖏᑎᒍᑦ ᕗᐃᓂᐸᐃᒃᒥ, ᒫᓂᑑᐸᒥ ᐅᑭᐊᒃᓵᖓᓂ 1958, ᑲᔪᓯᑦᓯᐊᖅᑐᒻᒪᕆᐅᓚᐅᖅᑐᑦ ᕿᒥᕐᕈᔭᐅᓂᖏᒍᑦ.

Owl

Owl Qiatsuk, Lukta, 1959, CD 1959-004 SC, Photo © CMC

ᓴᖅᑭᑎᑦᓯᒋᐊᓪᓚᒍᒪᓪᓗᓂ ᖃᐅᔨᒪᔭᐅᒋᐊᖃᕐᓂᖏᓐᓂᒃ ᑎᑎᖅᑐᒐᐃᑦ ᐅᑭᐅᖅᑕᖅᑐᒥ, ᔭᐃᒻᔅ ᕼᐃᐅᔅᑕᓐ ᖃᐅᔨᓴᓚᐅᖅᓯᒪᔪᖅ ᑎᑎᖅᑐᒐᕐᓂᒃ ᓴᖅᑭᑎᕆᓂᐅᑉ ᒥᒃᓵᓅᑦ ᔭᐹᓐᒥ ᐱᒋᐊᖅᓱᓂ ᓄᕕᐱᕆ 1958,ᒥᑦ ᐃᓱᓕᑦᓱᒍ ᕖᕗᐊᕆ 1959 ᖃᐅᔨᒪᔪᒻᒪᕆᐅᓕᖅᓱᓂ ᕿᔪᓕᕆᓂᒃᑯᑦ ᓴᖅᑭᑎᕆᓂᒃᑯᑦ ᑎᑎᖅᑐᒐᕐᓂᒃ ᐅᓂᑦᔅ ᕼᐊᕋᑦᓱᒃᑲᒥᑦ ᐃᓕᓐᓂᐊᖅᑐᖅ (1895–1997). ᕼᐃᐅᔅᑕᓐ ᐅᑎᕋᒥ ᑭᓐᖓᕐᓄᑦ ᐊᑐᖃᑎᖃᕈᓐᓇᖅᓯᓚᐅᖅᑐᖅ ᐃᓕᓐᓂᐊᕐᑕᕕᓂᕐᒥᓂᒃ ᐃᓄᓐᓂᒃ ᑎᑎᖅᑐᒐᖅᑎᓂᒃ. ᓄᑖᓂᒃ ᓱᖏᐅᑎᕙᓪᓕᐊᓂᖅ ᐊᒻᒪ ᕿᒥᕐᕈᓂᖅ, ᑭᓐᖓᕐᓂ ᑎᑎᕋᐅᔭᖅᑏᑦ ᓇᒻᒥᓂᖅ ᓴᖅᑭᑎᑦᓯᓚᐅᖅᑐᑦ ᑎᑎᖅᑐᒐᕈᓯᓂᒃ ᐊᒻᒪ ᐅᒃᑯᓯᒃᓴᒥᒃ ᐊᓪᓕᕋᖃᕐᓂᑯᑦ ᑎᑎᖅᑐᒐᓕᐅᕐᓂᕐᒥᒃ. ᐃᓄᐃᑦ ᑎᑎᖅᑐᒐᕐᓂᒃ ᓴᖅᑭᑎᕆᔩᑦ ᐋᖅᑭᒃᓯᓚᐅᖅᓯᒪᔪᑦ ᓯᕗᓪᓕᖅᐹᑦᓯᐊᒥ ᓇᓗᓇᐃᒃᑯᑕᓕᐅᕐᓂᕐᒥᒃ ᓂᐅᕕᖅᑕᐅᒍᓐᓇᖅᑐᓂᒃ ᑎᑎᖅᑐᒐᕐᓂᒃ 1959-ᒥ, ᐅᓄᕐᓂᖃᖅᓱᓂᑦ 41-ᓂᒃ ᑲᑎᑦᓱᒋᑦ. ᑕᒪᒃᑯᐊ ᑎᑎᖅᑐᒐᐃᑦ ᓴᖅᑭᑕᐅᓚᐅᖅᓯᒪᔪᑦ ᑭᒃᑯᑐᐃᓐᓇᕐᓄᑦ ᕖᕗᐊᕆ 1960-ᒥ ᒪᓐᑐᕆᐊᓪᒥ ᑕᑯᔭᒐᖃᕐᕕᒻᒥ ᑎᑎᖅᑐᒐᕐᔪᐊᓂᒃ. ᑕᐃᑦᓱᒪᓂ, ᑲᒪᑦᓯᐊᕐᓂᖅᓴᐅᔪᒪᓪᓗᑎᒃ ᑎᑎᖅᑐᒐᕐᕕᒥᓂᒃ, ᑭᓐᖓᕐᓂᑦ ᑎᑎᖅᑐᒐᖅᑏᑦ ᑲᑐᔾᔨᖃᑎᒌᖅᑕᓚᐅᖅᓯᒪᔪᑦ ᑕᐃᔭᐅᔪᒥᒃ ᕿᑭᖅᑖᓘᑉ ᐅᐊᓕᓂᐊᓂ ᐃᓄᐃᑦ ᑯᐊᐸᖓ, ᑖᓐᓇ ᓱᓕ ᐅᓪᓗᒥ ᑲᔪᓯᑎᑕᐅᖏᓐᓇᖅᑐᖅ.

Rabbit Eating Seaweed

Rabbit Eating Seaweed Ashevak, Kenojuak, 1958-1959,
CD 1959-008 SS, Photo © CMC

Three Caribous

Three Caribous Niviaksiak, 1957, UN CD 1957/58-003 EXPE, Photo © CMC

ᑎᑎᖅᑐᒐᐃᑦ ᑭᓐᖓᕐᓂ ᓇᓗᓇᐃᒃᑯᓯᖅᑐᖅᑕᐅᓚᐅᖅᑐᑦ ᐊᒻᒪ ᓴᖅᑭᑕᐅᓪᓗᑎᒃ ᐊᕐᕌᒍᑕᒫᖅᓯᐅᑎᓂ ᑲᑎᖅᓱᖅᑕᐅᔪᓄᑦ 1959-ᒥ. ᐱᒋᐊᖅᓱᑎᒃ 1977-ᒥᑦ 1958-ᒧᑦ, ᐊᒥᓲᓐᖏᑦᑐᑦ ᓇᓗᓇᐃᒃᑯᓯᖅᑐᖅᓯᒪᓐᖏᑦᑐᑦ ᐅᕝᕙᓘᓐᓃᑦ ᐆᒃᑐᕋᕈᑕᐅᓯᒪᔪᑦ ᓂᐅᕕᖅᑕᐅᓚᐅᖅᓯᒪᔪᑦ.
Winnipeg Free Press, ᑐᓴᒐᒃᓴᓕᐅᖅᑏᑦ ᑎᓯᐱᕆ 13, 1958, ᒪᒃᐱᒐᕐᒥ 42-ᒥ.
Un’ichi Hiratsuka,ᑯᑦ ᐃᒃᐱᒋᔭᐅᑦᓯᐊᖅᑐᖅ ᓄᑖᑦ ᔮᐸᓃᓯᓄᑦ ᑐᓴᒐᒃᓴᓕᐊᖑᕙᑦᑐᑦ ᑎᑎᖅᑐᒐᖅᑏᑦ ᒥᒃᓵᓄᑦ ᐊᒻᒪ ᐃᓚᒋᔭᐅᓪᓗᑎᒃ sōsaku hanga,ᓄᑦ ᐅᕝᕙᓘᓐᓃᑦ “ᑎᑎᖅᑐᒐᕐᓂᒃ ᓴᖅᑭᑎᕆᓂᕐᒧᑦ”. or “Creative Print” ᑲᔪᓯᑎᑦᓯᕙᓪᓕᐊᔪᑦ ᔭᐹᓐᒥ.
ᕿᑭᖅᑖᓘᑉ ᐊᐅᓕᓂᖓᓂ ᐃᓄᐃᑦ ᑯᐊᐸᖓ, ᐅᓪᓗᒥᓕ ᖃᐅᔨᒪᔭᐅᑦᓯᐊᓕᖅᑐᖅ, ᓇᒻᒥᓂᕆᔭᐅᓕᖅᑐᖅ ᐊᒻᒪ ᐊᐅᓚᑕᐅᓕᖅᑐᖅ ᐃᓄᓐᓄᑦ ᑭᓐᖓᕐᒥᐅᓄᑦ. ᑯᐊᐸᒃᑯᑦ ᑲᔪᓯᒋᐊᓪᓚᔅᓯᒪᒻᒪᑕ ᕿᑭᕐᑖᓗᒻᒥ 1950 ᐊᑐᖅᑐᑐᖃᐅᓕᖅᑎᓪᓗᒋᑦ ᐊᒻᒪ ᓄᓇᓕᓐᓄᑦ ᐊᑐᖅᑕᐅᓕᖅᓱᑎᒃ ᓇᓂᑐᐃᓐᓇᖅ ᕿᑭᖅᑖᓗᒻᒥ ᐊᒻᒪ ᕿᑎᕐᒥᐅᓂ. ᐅᓪᓗᒥ, ᑯᐊᐸᐃᑦ ᐱᒻᒪᕆᐊᓘᕗᑦ ᑮᓇᐅᔭᓕᐅᕈᑕᐅᓪᓚᕆᒻᒪᑕ ᑲᓇᑕᐅᑉ ᐅᑭᐅᖅᑕᖅᑐᖓᓂ.
Bibliography Credits